|
|
Home
| Databases
| WorldLII
| Search
| Feedback
Supreme Court of Vanuatu |
LONG SUPRIM KOT BLONG
REPABLIK BLONG VANUATU
(Appeal Kot)
Appeal Kes No.3 blong 1996
BETWEEN:
BRENTER mo NOEL BULE
(Tufala we iapil)
AND:
ENSON ROBERT
(Hemi defendem Kes)
KOT: Mr Justice Oliver A. Saksak
Ms Cynthia Thomas - Clerk
Brenter mo Noel Bule, tufala we iapil istap long Kot
Enson Robert hemi no stap long Kot
JAJMEN
Long namba 4 March 1996 Enson Robert hemi putum Brenter mo Noel Bule long Kot mo askem wan Oda blong tufala ilego graon we hemi holem Lease Taetel No.03/0J74/077 blong hem.
Long date ia tugeta saed iagri mo Kot hemi givimaot wan CONSENT ORDER blong Brenter mo Noel Bule imas lego graon bifo namba 4 Aprel 1996. Mo tu Kot iputum namba 12 March 1996 blong kot iharem klem blong kompensesen we Enson Robert iputum long Brenter mo Noel. Long date ia kot I dismissim klem blong Enson. Brenter mo Noel iapil ikam long kot ia.
Enson Robert ino stap long kot tudei be hemi sanem wan mesej blong talem se kes hemi finis four yia ipass from we Brenter mo Noel ino putum apil insaed long 14 dei taem.
Taem kot iharem toktok blong tufala, Brenter mo Noel Bule italemaot se tufala iwantem blong Enson Robert ipem kompensesen from ol developmen we tufala ibin mekem long graon we hemi holdem taetel blong hem.
Mr Kalkot Mataskelekele hemi putum wan apil bihaf long Brenter mo Noel long namba 15 April 1996. Brenter mo Noel ino save se Mr Mataskelekele hemi representem tufala. Filing date hemi soemaot se apil blong tufala hemi aotsaed long proper taem blong hem weta hemi 14 or 30 dei.
Long pepa blong Apil blong tufala igat two reason blong apil. Be wanem tufala istap talemaot long kot tudei ino stap insaed olsem wan reason blong apil blong tufala.
Wanem klem we tufala istap tokabaot hemi wan niufala klem. Magistrate Kot hemi no bin lukluk long klem blong tufala mo hemi rejectem from we klem ia hemi no bin part blong klem long kes namba 3 blong 1996. Klem blong tufala hemi separate klem we tufala ishould folem normal rod blong putum long kot. Be hemi no wan apil.
From ol reason antap, Kot hemi dismisim apil blong Brenter mo Noel. Inogat oda blong costs.
Luganville long 12 dei blong manis Julae, 2000.
KOT I MEKEM
OLIVER A. SAKSAK
Judge
PacLII: Copyright Policy | Disclaimers | Privacy Policy | Feedback
URL: http://www.paclii.org/vu/cases/VUSC/2000/35.html