Home | Databases | WorldLII | Search | Feedback Aelan Kot blong Vanuatu

  Download original PDF

William v Tommy [1985] VUICB 1; Land Case 02 of 1985 (13 May 1985)

IN THE MALEKULA ISLAND COURT
HELD AT LAKATORO/MALEKULA

Land Case No. 2/85

BETWEEN:

FAMILY DAVID ABIA WILLIAM
Tautu Village

AND:

GASPARD TOMMY
Rano Island

AND:

COLIN MALRIR
Rano Island

AND:

YOSEF PETER
Uripiv Island

AND:

KALOSAK MASSING
Mahe Village

AND:

ROBERT TOAME
Tautu Village

AND:

LIENMAL NAMALAPANE
Norsup, P.R.V.

AND:

PIERRE WERSITE
Rano Island

AND:

KLAN DONA
Norsup Island

AND:

JACK KLATES
Pinalum Village

AND:

EDWARD GORDEN
Tautu Village

AND:

OTEL SOKSOK
Rano Island

Hearing Date: Tuesday namba 2 April 1985- Friday namba 3 May 1985

Desisen/Jajman blong Malekula Aelan Kot long Land Dispute blong kraon ian, Baondry blong em I stat long Aob River, igo kasem end blong fanis blong P.R.V. Plantesen kolosap Rory mo i stat long end blong fanis blong Plantesen P.R.V. long bush I go fas long solwota. Land Kes No. 2/85
_________________________________________________________________________________

Fas part blong jajman i go long olgeta klemants ia:-

- Clmnt No. 1

David William

Tautu Village

- Clmnt No. 2

Gaspard Tommy

Rano Island

- Clmnt No. 3

Colin Malrir

Rano Island

- Clmnt No. 12

Otel Soksok

Rano Island

Jajman blong kot long pis kraon insaed long disputed Baondry we ol above klemants oli klem. Kastom nem blong kraon ia, LOMBAL, DANEV, mo NAUR.

Jajman

Long kes blong David Abia, Gaspard Tommy, Colin Malrir wetem Otel Soksok desisen blong kot from ol pis kraon we yufala I klem we I stap insaed long diputed area I go olsem:

Long saed blong LOMBAL we i stap insaed long Plantesen P.R.V. we kot i lukluk long em, kot i kivim raet blong kastom onasip long part ia igo long Otel Soksok.

Long saed blong yu Otel Soksok, long half blong LOMBAL we i stap long dark-bush we kot ino lukluk long em, yu mas save se yu mo Abia yu tufala tugeta i kat raet long em, but emia by difren kot i lukluk long em.

Long saed blong DANEV i go kasem NAUR jajman blong kot i kivim raet blong kastom onasip i go long David Abia William.

Long saed blong yu Colin Malrir jajman blong kot i faenem yu olsem small chief blong Abia mo jajman i kivim raet blong small chief blong DANEV mo NAUR long yu. Yu mas respektem Abia William olsem big chief blong yu, mo yu stap anda long em oltaem. Emia kastom blong Malekula.

Long saed blong yu Gaspart Tommy Jajman blong kot i faenem aot se yu boy nomo blong David Abia William mo Colin Malrir. Yu stap anda long tufala ia olsem boy blong chief oltaem. Yu no mas mekem bakeken se yu big chief. Yu mass tap quiet sapos no narafala kot i save putum yu aot.

Hemia nao fas part blong jajman blong kot long ol pis kraon ia, LOMBAL, Danev, NAUR we i stap insaed long disputed area, mo jajman i go long David Abia William, Gaspard Tommy, Colin Malrir mo Otel Soksok. Jajman ia i folem kastom blong Malekula long saed blong kastom raet long kraon.

Seken part blong jajman i go long olgeta klemants ia:-

- Clmnt No. 2

Gaspard Tommy

Rano Island

- Clmnt No. 10

Jack Klates

Pinalum Village

- Clmnt No. 11

Edward Gorden

Tautu Vilalge

- Clmnt No. 12

Otel Soksok

Rano Island

Jajman blong kot long pis kraon insaed long disputed Baondry we ol above klements oli klem. Kastom nem blong Kraon, Apan, Chipetebal, mo Melmesmes.

Jajman

Long ol pis kraon blong trifala Nasara ia kot i kivim every raet blong kastom onasip long chief Edward Gorden blong Apan. Hemi kat full raet long trifala Nasara ia, mo kraon blong ol.

Jajman blong kot long yu Gaspard Tommy kot i faenem se yu no kat any kastom raet nating long kraon blong Apan, Chipeteval mo Melmesmes. Yu mas keep aot long trifala pis kraon ia.

Jajman blong kot long yu Jack Klates, kot i putum yu aot long kraon blong Apan, Chipeteval mo Melmesmes. Yu no kat any kastom raet long trifala Nasara ia. Yu stap aot long ol pis kraon ia.

Jajman blong kot long yu Otel Soksok, long saed blong Melmesmes mo Chipeteval kot i luk se yu no kat any kastom raet long ol pis kraon ia. Yu stap aot lo Baondry blong ol pis kraon ia.

Hemia nao jajman blong kot long ol kraon blong (3) trifala Nasara ia insaed long Disputed Baondry. Mo i go long Gaspard Tommy, Jack Klates, Edward Gorden mo Otel Soksok.

Third (3) part blong jajman i go long olgeta Klements ia:

- Clmnt No. 2

Gaspard Tommy

Rano Island

- Clmnt No. 6

Robert Toame

Tautu Village.

Jajman blong kot long ol pis kraon insaed long disputed Baondry we ol above klements oli klem. Kastom nem blong ol kraon ia, POTNATOR.

Jajman

Long ol kraon blong POTNATOR we i stap insaed long disputed Baondry, kot i kivim every kastom raet blong onasip blong POTNATOR igo long Robert Toame.

Long yu Gaspard Tommy kot i luk se yu no kat any kastom raet long POTNATOR. Yu stap aot long POTNATOR mo yu no usim any kraon blong POTNATOR.

Long yu bakeken Robert Toame Baondry blong POTNATOR we kot i kivim kastom onasip raet long yu. Baondry blong em i finis nomo long Head blong Naus, long main road, Haus blong Aslal, i kam antap long canoe tree mo Namambe. Yu no mas ova igo long Baondry blong Amel-Malaten. Yu no kat any raet nating long kraon blong Amel-Malaten.

Namba Four (4) part blong jajman i go long olgeta Klements ia:

- Clmnt No. 2

Gaspard Tommy

Rano Island

- Clmnt No. 6

Robert Toame

Tautu Village

- Clmnt No. 7

Chief Francis Namalapane

Norsup

Jajman blong kot long ol pis kraon insaed long disputed Baondry we ol above klements oli klem. Kastom nem blong kraon ia, AMEL-MALATEN.

Jajman

Long ol kraon blong AMEL-MALATEN insaed long disputed Baondry kot i kivim every kastom raet blong onasip long chief Francis Namalapane.

Baondry blong AMEL-MALATEN we chief Francis Namalapane i karem kastom onasip raet blong em i stat long solwota, ikam stret long Head blong Naus long Haus blong Asisi ikam long rod long Head blong Natavoa igo stret long Head blong Kanoe tree mo Namambe, i go daon long Head blong kokonas (mak i stap long em) we kot i bin go stanap long em mo luk, afta i folem smoll creek klosap main road igo daon long solwota.

Long yu Gaspard Tommy, kot i faenem se yu no kat any kastom raet, long ol kraon blong AMEL-MALATEN yu stap aot long kraon ia.

Long yu Robert Toame, kot i faenem se yu no kat any kastom raet long kraon ia, AMEL-MALATEN. Yu stap aot long kraon ia.

Hemia nao jajman blong kot long kraon blong AMEL-MALATEN, we i stap insaed long disputed Baondry, mo igo long Gaspard Tommy, Robert Toame mo chief Francis Namalapane.

Namba Faef (5) part blong jajman igo long olgeta Klements ia:

- Clmnt No. 2

Gaspard Tommy

Rano Island.

- Clmnt No. 5

Kalosak Massing

Mahe Village

- Clmnt No. 9

Klan Dona

Norsup Island.

Jajman blong kot long pis kraon insaed long disputed Baondry we ol above klement oli klem. Kraon we mak blong em i finis long Blaksand, Norsup.

Jajman

Long ol pis kraon we Gaspard Tommy, Kalosak Massing mo Klan Dona oli disputim, we i stap insaed long disputed Baondry, part blong em we i kam long Mahe Village and i stap insaed Plantesen, kot hemi kivim kastom onasip raet blong pis ia long Kalosek Massing. From klan i bin talem aot long kot se Baondry blong em i fiis long Head blong Namalaus nomo. Edward i bin talem se blong em i finis long Narasaed river i kam. Yosef i bin talem se blong em i finis long katel ket, long smol creek long rod i go long Mahe. Pierre Wersite too i bin talem blong em i finis long katel ket long smol creek, olsem Yosef. Ol toktok ia, olgeta man ia i bin talem long kot taem kot i folem kraon.

Long yu Gaspard kot i faenem se yu no kat any kastom raet long pis kraon ia. Yu stap aot long pis kraon ia.

Long yu Klan kot i faenem se yu no gat kat any kastom raet long pis ia. Yu stap aot long pis kraon ia.

Long saed blong pis kraon insaed long disputed Baondry we mak blong em i stap long Norsup River i ron stret igo long Head blong Namalaus we i stap long main road i go long Mahe, mo i ron folem small creek ia i go long solwota igo kasem solwota, kot i kivim raet long yu Klan. Kot ino luk wan stret kastom ona blong ples ia, stret blood blong ples ia. Kot i kivim tu raet blong Norsup aelan long Klan Dona. Hemia nao jajman blong kot long pis kraon ia we, Gaspard Tommy, Kalosak Massing, mo Klan Dona oli disputim.

Namba (6) six part blong jajman i go long olgeta klements ia:

- Clmnt No. 2

Gaspard Tommy

Rano Island

- Clmnt No. 4.

Yosef Peter

Uripiv Island.

- Clmnt No. 8

Pierre Wesite

Rano Island.

Jajman blong kot long ol pis kraon insaed long disputed Baondry we ol above klements oli klem, kastom nem blong kraon AMELIKEN.

Jajman

Long saed blong kraon we Gaspard Tommy, Yosef Peter mo Pierre Wersite yufala i disputim, kot hemi kivim kastom raet blong onasip igo long Yosef Peter. Long yu Yosef Kot i mekem i klia long yu se yu no mas agensem or rao wetem Pierre Wersite or Family blong em bakeken. From kot emi luk se yutufala i stret blood blong Twelnani.

Kot i putum Pierre Wersite under long Yosef Peter.

Long yu Pierre Wersite kot i luk se yu seken bon blong Twvelnani, Ideng. Kot i putum yu olsem smol chief blong Yosef. Emia i folem kastom blong Malekula. Yu mas respeketem Yosef mo yu mas save oltaem se yu anda long em olsem small chief.

Long yu Gaspard kot i faenem se yu no kat any kastom raet insaed long kraon blong AMELIKEN. Yu stap aot long kraon blong AMEKIKEN.